Wes-Kaap Verblyf. Hanteer Direk, Betaal Minder

As u dink aan Egipte, dink u aan piramides. Wanneer u dink aan die Wes-Kaap, dink u aan Tafelberg. Daar is geen twyfel dat hierdie massiewe, afgeplate stuk rots seker een van die bekendste landmerke in Suid-Afrika is nie. Die Wes-Kaap lê aan die Suidelikste punt van Afrika. As hierdie provinsie 'n vrou gewees het, sou sy baie koppe laat draai het - Verseker!

Met die hordes toeriste wat jaarliks na die Wes-Kaap stroom, het dit een van die gewildste vakansie-bestemmings in Suid-Afrika geword. Dit kan ook nie anders nie, want hierdie streek bied aan die toeris ongeëwenaarde natuurlike prag, beroemde gasvryheid, kulturele verskeindenheid, uitstekende wyne en kookkuns vir die fynproewer.

Met 'n totale grote van 129462km² is die Wes-Kaap ongeveer die grootte van Griekeland. Dit is die land se vierde grootste provinsie. Die hoofstad is Kaapstad en dit is ook bekend as die "Moederstad". U sal dit moeilik vind om die beste strand te kies wat u sal pas, want daar is baie mooi spierwit strande, en selfs dié met blou-vlag status. Indien u na "Boulders Beach" toe gaan, mag u 'n kykie op die Pikkewyn-kolonie kry. En as u van alles ontslae wil raak, kan u na Sandy-Baai toe gaan, Kaapstad se enigste nudiste-strand. Een van die mees gewildste en byderwetse plekke is die Victoria en Alfred- Waterfront, 'n besige komersiële hawe wat in die middel van 'n groot vermaaklikheids-sentrum is, met kroeë, restaurante, spesialiteits-winkels, handwerkmarkte, teaters en bioskope.

As u egter vars lug soek en ver wil sien, is Tafelberg die plek om na toe te gaan! Moet nie bekommerd wees nie, want om na die kruin van die berg te gaan is baie maklik vanweë die kabelspoor wat een van die mees skouspelagtigste ritte van jou lewe kan wees. Dit neem slegs twee minute om die kruin te bereik en die karretjie roteer as dit klim, om u 'n 360° uitsig oor die stad en die  Skiereiland te gee. 'n Ander goeie manier om die Kaap se vars lug in te asem, is om die bekende Kirstenboschtuine te besoek. Die rus en kalmte in die tuine is byna geestelik. Welige groen grasperke word omring met meer as 6000 bome en plante wat, uiteraard, honderde voëls huisves. Pak 'n piekniekmandjie, 'n kombers en 'n goeie boek en gaan om in die skadu van die berg te ontspan. Regdeur die somer is daar saans konserte wat deur verskeie Suid-Afrikaanse orkeste aangebied word. Daars is skaars 'n beter manier om die Kaapse someraande te geniet as om dit op die grasperke van die Kirstenbostuine deur te bring met 'n glasie wyn en om na die lewendige uitvoering van musiek te luister.

As dit avontuur is wat u geniet, kan u na die Kangogrotte gaan vir die 90 minute "avontuur-toer". Die grotte is warm en vogtig, die tonnels raak al hoe smaller en gladder as u verder gaan. Vir die wat verkies om bo die grond te bly, is Die Twee Oseane-akwarium 'n pragtige dag-uitstappie vir die gesin - Plus, u kan dan ook sien hoe lyk lewe onder die water sonder om u asem op te hou.

Vir 'n kulturele uitstappie kan u na Robbeneiland toe gaan. Vir bykans 4 eeue is Robbeneiland, 12km vanaf Kaapstad, 'n plek van verbanning vir politieke probleem-makers en sosiale uitgeworpenes. Gedurende die apartheidsjare het die eiland bekend geword vir die plek waar Nelson Mandela en die A N C se elite gevange gehou is en het dit die simbool geword van die triomf van die mens se gees oor enorme probleme en teenspoed.

Die Wes-Kaap is een van Suid-Afrika se mees diverse en skilderagtigste provinsies, wat 'n wye verskeidenheid doendinge en besienswaardighede bied.

Hier is 20 dinge om te doen of te sien in die Wes-Kaap: (om net 'n paar te noem).

1. Tafelberg: Neem 'n kabelkar of stap na die top van hierdie ikoniese landmerk vir panoramiese uitsigte oor Kaapstad en die omliggende kuslyn.

2. Kaap die Goeie Hoop: Besoek die mees suidelike punt van die Kaapse Skiereiland, waar die Atlantiese en Indiese Oseaan mekaar ontmoet.

3. Robbeneiland: Besoek die historiese terrein waar Nelson Mandela vir 18 jaar in die tronk was, toeganklik per veerboot vanaf Kaapstad.

4. Kirstenbosch Nasionale Botaniese Tuin: Verken hierdie pragtige tuin aan die voet van Tafelberg, met uiteenlopende plantspesies uit Suider-Afrika.

5. V&A Waterfront (Victoria & Albert): Geniet inkopies, eetplekke en vermaak by hierdie bedrywige waterfront-area in Kaapstad.

6. Wynlande: Besoek die bekende wingerde en wynkelders in Stellenbosch, Franschhoek en Paarl en proe van die wêreld se beste wyne.

7. Tuinroete: Ry langs hierdie skilderagtige kusroete van Mosselbaai tot by Stormsrivier, met pragtige landskappe en bekoorlike dorpe.

8. Kangogrotte: Ontdek die indrukwekkende kalksteenformasies in hierdie antieke grotte naby Oudtshoorn.

9. Boulders Beach: Besoek die kolonie Afrika-pikkewyne by hierdie pragtige strand in Simonstad.

10. Hermanus: Kyk na walvisse vanaf die kus of 'n boot in dié dorp wat bekend is vir sy walviskykgeleenthede.

11. Weskus Nasionale Park: Ervaar die lewendige lenteveldblomme-uitstallings en sien die ryk voëllewe rondom Langebaan-strandmeer.

12. Knysna-koppe: Geniet die dramatiese uitsigte vanaf hierdie toringhoë sandsteenkranse by die ingang na die Knysna-strandmeer.

13. Kaap Agulhas: Staan aan die mees suidelike punt van Afrika en kyk waar die Atlantiese en Indiese Oseaan amptelik ontmoet.

14. Chapman's Peak Drive: Ry langs een van die wêreld se mees skilderagtige kuspaaie, wat asemrowende uitsigte en fotogeleenthede bied.

15. Distrik Ses Museum: Kom meer te wete oor die geskiedenis en impak van apartheid by hierdie museum wat opgedra is aan die voormalige inwoners van Distrik Ses in Kaapstad.

16. Kasteel van Goeie Hoop: Besoek hierdie historiese vesting in Kaapstad, die oudste koloniale gebou in Suid-Afrika wat oorleef het.

17. Two Oceans Aquarium: Verken seelewe van beide die Atlantiese en Indiese Oseaan by hierdie gewilde akwarium in Kaapstad.

18. Stellenbosch: Dwaal deur hierdie geskiedkundige dorp, bekend vir sy Kaaps-Hollandse argitektuur, lewendige kunstetoneel en uitstekende restaurante.

19. Houtbaai: Geniet 'n bootrit na Seal Island, doen inkopies by die Houtbaai-mark, of ontspan op die strand in hierdie bekoorlike vissersdorpie.

20. Franschhoek: Ry met die wyntram deur hierdie skilderagtige vallei, bekend as die kulinêre hoofstad van Suid-Afrika, en geniet fynproewerskos en wyn.

Hierdie aktiwiteite en besienswaardighede wys die uiteenlopende natuurskoon, ryk geskiedenis en lewendige kultuur van die Wes-Kaap uit, wat dit 'n moet-besoek bestemming in Suid-Afrika maak.