Get it on Google Play

Vrystaat Akkommodasie. Hanteer Direk, Betaal Minder

Soek Akkommodasie Soek
Harrismith, just across the KwaZulu-Natal and Free State provincial line

Vrystaat Akkommodasie. Hanteer Direk, Betaal Minder

Die Vrystaat is die kern van Suid-Afrika se landbou. Die groot grasvlaktes is waar meer as 70% van Suid-Afrika se graanverbruik geproduseer word. Die Vrystaat is ook ryk aan minerale. Goud verteenwoordig 20% van die wêreld se totale goudproduksie.

Indrukwekkende wildreservate bestaan, soos die Willem Pretorius Natuur-reservaat. Die grasvlaktes in die Suide van die reservaat voorsien die ideale toestande vir groot troppe vlaktewild, soos swartwildebees en springbok. Die randjies, koppies en vlaktes is tipies van die Noordelike deel en is die tuiste van koedoe, rooihartebees, wit-renoster en buffel. Die Afrika-wildekat, swartwildebees, zebra, eland, swart-renoster en wildehond kan in die Soetdoring Natuur-reservaat, naby Bloemfontein gesien word.

Waarskynlik die mees skilderagtigste en aanloklikste van al die reservate in die Vrystaat, is die Golen Gate Highlands National Park, wat oorheers word deur die skouspelagtige sandsteen-berge. Die reservaat se naam word ontleen aan twee massiewe sandsteen-formasies wat in die vallei teenoor mekaar staan.

Afgesien van die Vrystaat se natuur-reservate, kan buitelug-entoesiaste perdry, jag en voëlkyk geniet.  Die riviere en damme bied ook 'n verskeidenheid watersport-geriewe soos uitdagende kano-roei. Dag- en oornag-staproetes wissel van opvoedkundige roetes tot rowwe bergpaaie. Verder is daar ook 'n groot verskeidenheid van feeste en samekomste met 'n karaktervolle Vrystaat-atmosfeer wat reg deur die jaar gehou word .

Om die Vrystaat te besoek, is om onder die invloed te kom van sy landelike betowering, een te word met die natuur, en die vryheid van die wye oop vlaktes te belewe.