Get it on Google Play

Suid-Afrika Akkommodasie

Soek Akkommodasie Soek

Suid-Afrika Akkommodasie

As u graag u horison wil verbreed en graag u eie innerlike wil verryk, behoort u dit met behulp van die natuur, avontuur, ontspanning en kultuur te doen. Dan moet Suid-Afrika beslis heel bo aan u lys wees. 'n Wêreld van opwinding, met sy ontsaglike skatte in 'n wonderlike land, is hierdie Suidelike punt van Afrika die ideale plek met sy kaleidoskoop van ervarings en belewenisse wat al u behoeftes sal bevredig - en selfs nog baie meer.

Alreeds vir honderde jare kom mense na hierdie wonderlike land, op soek na opwinding en geleenthede. 'n Stimulerende plek, vol onverwagte genot en unieke ontdekkings, bied Suid-Afrika iets vir elkeen, vir die jonges, diegene met 'n jong gees, vir pure plesiersoekers of die adrenalien-verslaafdes.

Ook wêreldbekend vir sy historiese en politieke erfenis van versoening na apartheid, is die land se bynaam "Reënboog-nasie" baie gepas. Suid-Afrika se vorige ondervindings stuur af op 'n groot mengsel van idees met invloed van uit Afrika, Europa en ook die Ooste. Sy ryk kulturele geskiedenis is gegiet in die inspirerende agtergrond van sy vryheidstryd en word aangevuur deur die gees van "Ubuntu", 'n ou Afrika-woord vir "mensliewendheid", soos gesien in nasionale helde, soos in die geliefde Nelson Mandela.

Hierdie gees word weerkaats in Suid-Afrika se vriendelike, vindingryke mense wat u sal verwelkom in 11 amptelike (en nog baie ander) tale. Sy dinamiese, moderne stedelike sentrums pols met lewe en weerkaats 'n verskeidenheid skakerings van kulture en mense van oor die hele Afrika en ook nog verder weg.

'n Trotse bewaarder van minstens agt wêreld-erfenisterreine soos die oorspronklike, antieke geboorteplek van die mens, die "wieg van die mens", is Suid-Afrika verklaar tot een van die planeet se 18 mega verskeidenheid bestemmings.

Met sy temperatuur, sonnige klimaat, wye en veranderlike terreine met wisselende vergesigte, is Suid-Afrika 'n paradys vir die natuurliefhebber. Die wye, oop grasvlaktes verander in massiewe bergreekse. Die droë woestyne teenoor digte woude. Gewilde, veilige strande ontmoet rotsagtige, wilde kusgebiede. Oseane vol seelewe ding mee met die bosveldbestemmings wat spog met die groot 5 - onthou beslis om u kamera in te pak!

Suid-Afrika bied dit alles: Van eko-vriendelike, wild-safaris tot internasionale sportgebeure, luukse wittebrood-wegbreke tot hoëvlak, wêreld-hoogtepunte. Hier sal jy jou eie hoekie vind, maak nie saak of u 'n historikus of net 'n sonaanbidder is nie! Wag of lag, eet of vreet, geniet jou kos met brood en wyn, met blye entoesiasme, groot of klein. U kan ook strewe na die meer sensuele ervarings, soos die sterbesaaide hemelruim van Sutherland, die wit-water-roei in die Oranje rivier of luister na die roepstem van Afrika in die nag....

Suid-Afrika is maklik om te bereik met sy 3 internasionale lughawens. Eers daar, kan u steeds gerieflik en gemaklik in kontak met die wêreld bly, te danke aan die goeie, wêreld-standaard infrastruktuur, gerieflike verblyf en tegnologie. Maak nie saak of u 'n rugsak-reisiger met 'n klein begroting is, of 'n gesin wat soek na waarde vir u geld, of 'n wêreldreisiger wat op soek is na eie plesier, die keuses is onbeperk in hierdie hoogs bekostigbare reisiger-speelgrond.

Suid-Afrika is 'n plek wat tot u siel sal spreek. As u dan moet vertrek, sal u weer wil terugkeer - omdat dit vir u na u ander tuiste sal voel.