Get it on Google Play

Namibië Akkommodasie

As u nie u dorp/stad in die onderstaande lys kan vind nie, gebruik die Vinnige Soek (regs bo).
Soek Akkommodasie Soek

Namibië Akkommodasie

Ontdek en ervaar is die twee belangrikste woorde wanneer Namibië beskryf word. As u verby die ontsaglike, dorre oop spasies kyk, sal u Namibië ontdek as dit die skatte van geologiese en kulturele geskiedenis, ontvou - 'n onverwagte verskeidenheid van plant- en wildlewe, 'n rowwe en ongerepte kusstreek en 'n onaangeraakte wildernis. Dit is 'n plek waar u die hoogste sandduine in die wêreld kan klim en afklim na die bodem van die diepste kloof in Afrika. Besigtig wild terwyl hulle swerf op een van die mees skouspelagtigste panne op aarde en verken dan ook die oudste, droogste woestyn in die wêreld.

Twee van Namibië se grootste aantrekingskragte is die Namib-woestyn en die bykans vyandig-gesinde kus. Maar verder as hierdie twee, met die rowwe en ysige waters en die see van sand, lê 'n rotsagtige, uitgestrektheid wat bykans onveranderd oor baie jare is. Rotsformasies soos Spitzkoppe, die Brandberg en die Visrivier-Canyon is uitstaande landmerke, maar Namibië is ook vol ander aantrekkingskragte soos ondergrondse mere, vreemd-gevormde klipformasies, meteoriete, versteende woude, afgeplatte berge en die Etosha-soutpan wat so groot is dat dit maklik vanuit die ruimte gesien kan word.

Maar Namibië bied baie meer as die droë, oop vlaktes. As 'n land, het Namibië baie dinamiese stede waar die inwoners baie opgewonde is oor hul toekoms, maar tog gebonde bly aan hul ryke kultuur-verlede. Dit is 'n land met 'n stabiele, demokratiese regering en 'n infrastruktuur wat inwoners toelaat om met groot vertroue op die gebaande weë te gaan.

Vir baie Suid-Afrikaners en ook ander verder weg, word Namibië nog steeds onthou as Suidwes-Afrika, maar Namibië het baie dieper wortels. Dit was 'n 23jaar lange oorlog vir onafhanklikheid van Suid-Afrika, wat in 1966 begin is deur die South West Africa Peoples Organisation (Swapo). Dit was 'n oorlog vir vryheid wat uiteindelik op 21 Maart 1990 gewen is, toe Namibië 'n onafhanklike staat geword het. Sy geskiedenis gaan egter nog verder terug as wêreldoorlog 1 toe Duitsland, wat die gebied gekoloniseer het teen die einde van die 19de eeu, dit oorgegee het aan die Suid-Afrikanse Leër. Volgens feite, kan hierdie land se geskiedenis terug-gespoor word uit rotskuns wat in die Suide en in Twyfelfontein gekry is, sommige so oud as 26,000 VC. Verskeie groepe mense soos die San-boesman, Bantu-herders en laastens, die Himba, Herero en Nama-stamme het hierdie rowwe land hul tuiste gemaak vir duisende jare.

Moet dus nie Namibië slegs besoek nie, maar verken Namibië! Ontdek en ervaar Namibië vir uself!