Kaapse-Wynlande en Breede-vallei

In die Oostekant van Kaapstad, omring met 'n semi-sirkel van skilderagtige Boland-berge, is die Kaapse Wynlande. Verspreid in die vrugbare groen vallei van die streek is die Wynlande van die Wes-Kaap alledaagse woorde van wynproewers reg oor die wêreld. In hierdie streek is die dorpe Paarl, Franschhoek, Stellenbosch en baie ander bekende name. Die Franse Hugenote het die kuns van wynmaak in die laat 17de eeu na die Kaap gebring en dit was hier waar die eerste aanplantings gedoen is, om na die beste kultivaars te soek.

Daar is verskeie toere beskikbaar vir die besoeker om die beste wyne van die Kaapse Wynlande te proe, na die wynmaak-proses te kyk. Ook na die opstalle wat al jare aan dieselfde geslag behoort. Die Hottentots-Holland- en die Franchhoek-berge vorm deel van die Kaapse Wynlande se grens en in die Noorde deur die Wemmershoek-berg. Eersgenoemde berge is deel van die Hottentots-Holland Natuur-reservaat. Die enigste manier om na hierde Reservaat te kyk is met die Boland-staproete. Daar is korter staproetes beskikbaar in die Jonkershoek Natuur-reservaat, net Oos van Stellenbosch. Hierdie bergreservaat het die rykste en grootste verskeidenheid inheemse blomme in die wêreld. Dit is bekend dat daar meer as 35 bedreigde variteite in hierdie streek is. Die oorheersende plant in die reservaat is fynbos met stroke van die oorspronklike woud verspreid teen die boonste hange. Luiperd, rooikat en muskeljaatkat word hier gesien.

U kan gerus ook die "Butterfly World", net langs die N2 op die R44 besoek, veral terwille van u kinders.
 
Franschhoek was oorspronklik bekend as 'French Quarter' of 'le Quartuer Francais' soos in die oorspronklike streek van die Hugenote in Frankryk. Die dorp is nou bekend as die kos-en-wynhoofstad van die Wes-Kaap. Besoekers van reg oor die wêreld drom hier saam om sy produkte te proe. Die dorp het ook 'n Hugenotemuseum.

Paarl, in die Kaapse Wynlande, is bekend as die Pêrel van Suid-Afrika en kry sy naam van die groot, ronde, granietrotse aan die voet van die berg, by die dorp waar die Afrikaanse Taalmonument geleë is. Die naam Pêrelberg is deur Abraham Gabbema in 1657 gegee, a.g.v die glinstering van die berg in die sonlig na 'n reënbui. Die dorp is in 1720 gestig toe die eerste kerk daar gebou is. In die Afrikaanse Taalmuseum is die pars waarmee die koerant, de Zuid-Africaan, oorspronklik hier gedruk was.

Stellenbosch is die tweede oudste dorp in Suid-Afrika na Kaapstad en is in 1679 gestig. Die dorp is bekend vir sy wyne, sy universiteit en sy Kaaps-Hollandse argitektuur wat in baie van sy historieses geboue sigbaar is, soos gevind in die Burgerhuis-Museum. Die dorp is ook bekend as die Eikestad, vanweë die baie eikebome. Hierdie universiteit het ses Suid-Afrikaanse Eerste Ministers en verskeie Springbok-rugbykapteins gelewer. Stellenbosch het 'n Brandewyn-museum waar baie voorbeelde van ou brandewyne nog gesien kan word. 'n Kos- en wynfees word in die laaste week van Oktober elke jaar gehou. Musiek-konserte word elke somer tydens die "Spier summer Festival" aangebied.

Wellington, in die Kaapse Wynlandstreek is geleë in 'n vallei bekend as die Vallei van die Wamakers (Val di Charron) vernoem na die ambag van die Franse Hugenote teen die einde van die 17de eeu. Daar is heelwat uitstekende wynkelders in die Wellington-gebied waar die besoeker die wyne kan proe. Wellington bied aan die besoeker 'n indrukwekkende en toweragtige atmosfeer en vriendelike mense. Wellington se oorspronklike naam was Lemietvallei, of die Grensvallei, maar is in 1840 verander en vernoem na die Hertog van Wellington na sy oorwinning oor Napoleon in die slag van Waterloo.