'n Oase…. 'n Juweel….. Hierdie baie besonderse vakansiehuis het 'n unieke karakter en is die verpersoonliking van rustigheid. Pragtige see-uitsigte, asemrowende sonsondergange, 'n groot stoep met ingeboude braai aan die rand van 'n baie mooi privaat terrastuin met 'n pergola (Kreefgat), potjie-area (Kuiergat) en allerlei intieme hoekies en gaatjies….. Stap met die tuinpaadjie af na die strand, geniet die getypoel, steek jou tone in die sand op die houtswaai en laat vars kreef (seisoenaal) deur die plaaslike duikers direk na jou deur bring.

Geleë in Britannia Baai, St. Helena Baai aan die Weskus, kan die selfsorg villa 6 gaste in 3 slaapkamers akkommodeer (1 koning grootte bed, 2 enkel beddens en 'n stapelbed met 1 driekwart bed en 1 enkel bed). Die gesinsbadkamer het 'n bad en ‘n stort. Die ingang na een van die slaapkamers is apart van die hoofhuis via die stoep. Hierdie slaapkamer bevat die 2 enkel beddens, 'n yskassie, wasbak en tee/koffiemaak geriewe. 'n Beskutte warm buitestort, toilet en wasbak is maklik toeganklik.

Die oopplan-leefarea beskik oor 'n volledig toegeruste kombuis met 'n vierplaat gas eenheid, afsuigkap, lugbraaier, mikrogolf oond, yskas/vrieskas, skottelgoedwasser, ketel, koffie plunjer, broodrooster, eetgerei, breekware en 'n eiland-eenheid met kroegstoele. Die sitkamer het lugversorging, 'n kaggel en gemaklike banke, maar let asseblief daarop dat daar geen televisie is nie. 'n Hout eetkamertafel bied genoeg ruimte vir gaste om maaltye saam te geniet.

Alhoewel daar geen motorhuis is nie, is parkeerplek op die perseel vir twee voertuie beskikbaar. Sonkrag skakel beurtkrag uit en onbeperkte wi-fi is gratis.

Maak jou verblyf nog meer onvergeetlik deur 'n privaat seiljag vaart by ons te bespreek! (Lees meer onder Spesiale Kategorieë en bekyk foto's in die gallery).  

Aan Boord by Port Owen Marina in Velddrif:  

Heel Dag * R 7 950
Seil na Stompneus- of Slipper's Baai, gooi anker en braai aan boord  

Seekos Noenmaal * R 5 950
Seil na Sandy Point Hawe vir vis & skyfies of 'n seekos middagete  

Sonsondergang * R 4 950
Geniet skemerkelkies op 'n kort namiddag vaart

Aan Boord by Sandy Point Hawe in St Helena Baai:

Heel Dag * R 8 950
Seil die oop see, gooi anker en braai aan boord   

* Tariewe is per rit - nie per persoon nie
Maksimum limiet van 12 passasiers per rit
Bring jou eie verkoeler, drankies, versnaperinge en/ vleis  

Besprekings Noodsaaklik