Camelroc is geleë in die panoramiese Oos Vrystaat en kyk uit oor die Maluti/Drakensberg bergreeks. Die groot en klein Caledonrivier vorm ‘n natuurlike grens met Lesotho en is naby geleë aan Caledonspoort Grenspos.

Camelroc gaste plaas en omgewing word sterk aanbeveel vir die avontuurlustige besoekers. Uitdagende MTB roetes van onderskeidelik 8km en 40km vir die ervare fietsryer asook die gewilde 4x4 roetes.

Aktiwiteite sluit in goeduitgelegde wandelroetes op en langs die berg en riviere, 3km en 9km; swemgat in die klein Caledonrivier.

Vir die meer ontspanne gaste is daar vars berglug en ‘n mooi uitsig op die sandsteen formasies asook ontspanning langs die swembad by die lapa.

Akkommodasie

Camelroc het sewe luukse selfsorg eenhede wat 3 tot 9 persone kan akkommodeer. Die eenhede is toegerus met kaggels en verwarmers vir die koue winters aande.

In die sandsteen plaashuis is daar 3 gaste kamers wat 2 persone per kamer kan akkommodeer.

Die kamers is stylvol gemeubileer met Dennehout meubels. Die kamers is toegerus met verwarmers en die T.V. kamer met ‘n kaggel.

Gaste is welkom om die lapa by die swembad area te gebruik.

Verskeie bal aktiwiteite en bord speletjies is beskikbaar.

Camelroc gaste plaas is die perfekte halweg stasie tussen die Kaap Provinsie en Kwa Zulu Natal.

Kom geniet die plattelandse verblyf met asemrowende sonsondergange, voël lewe, klein wild, rotskuns en kleurvolle besienswaardighede in die herfs.

  • Toekennings soos verskaf deur die onderneming
  • Guest House Accommodation of South Africa
Fasiliteite
  • braai
  • buite swembad
  • DSTV in kommunale gebied
  • kaggel
  • kombuis (volledig toegerus)
  • mikrogolf in eenheid
  • natuur roete op die terrein
  • natuurroete (minder as 2 km)
  • parkering op die terrein
  • perdry (minder as 5km)
  • private ingang
  • rotskuns (minder as 20km)
  • telefoon in die kamer
  • wasgeriewe
  • wi-fi / hotspot