Hierdie KwaZulu-Natal se Suidkus selfsorg strandhuis is 'n moderne oase vir  stedelinge wat moeg is. Ons voorste tuinhekkie maak oop op 'n smal strokie inheemse plantegroei (admiralty) wat al is wat u skei van die pragtige Blouvlag Southport-strand.

Benewens die feit dat dit 'n baie gewilde KwaZulu Natal se Suidkus-hengelstrand is, is Southport gerieflik geleë in die omgewing met baie aangename restaurante, gholfbane, rolbalbane en winkelsentrums.

Dolphin Place bied akkommodasie vir 16 mense in 7 slaapkamers en 5 badkamers. Dit het 'n sentrale gemeenskaplike area met toegang tot 'n Noord- en 'n Suidvleuel. Elke vleuel het 3 slaapkamers. Die hoofslaapkamers het 'n en- suite badkamer met ‘n stort, en die ander 2 slaapkamers deel 'n volledige badkamer. 

Op die grondvloer is 'n aparte woonstel wat slaapplek het vir 4 persone in 2 oopplan-slaapareas. Daar is 'n groot en-suite-stort met 'n dubbel wasbak. Daar is 'n kombuisie met mikrogolfoond, ketel en broodrooster en 'n sitkamer area  met ‘n TV met ‘n volledige DSTV-pakket.

Die boonste verdieping van die sentrale eenheid van die huis bied 'n oopplan-kroeg en -sitkamer van 55 m² met 'n 77-duim platskerm-TV, moderne klank toerusting en volledige DSTV-pakket. Die uitsig oor die strand en die see vanuit hierdie pragtige kamer is asemrowend.

Die middelste vloer van hierdie sentrale eenheid het 'n eetarea met slaapplek vir 16 persone en ‘n volledig toegeruste kombuis. Daar is 'n wasmasjien en 'n tuimeldroër, 'n stoof met 'n gaskookplaat en 'n elektriese oond, 'n mikrogolfoond en 'n groot yskas met 'n vrieskas. Groot opvoubare deure maak oop vanaf die eet-area na 'n lieflike onderdak stoep met 'n uitsig oor die strand en met trappe wat na die grondvloer en die tuin lei.

Die volledig omheinde tuin bied 'n sprankelende swembad, braai-area en buite stort. Hiervandaan maak die tuinhek direk oop op ‘n paadjie, net 'n paar meter na die strand.

Die eiendom is onlangs opgeknap en die meubels en die dekor is smaakvol. Oopplan leefstyl op sy beste!

U sal van die 'skemerkelkie-plek' hou met sy magiese atmosfeer wat uitkyk op die strand. 'n Plek om jou sjampanje te proe en jou batterye te herlaai!

Beddegoed, badhanddoeke, strandhanddoeke sowel geskenkpakkies met toiletartikels, melk, tee en koffie word voorsien.

Dolphin Place is troeteldier-vriendelik met veilige parkeerplek vir ons gaste. Die eiendom het moderne veiligheidstelsels, insluitend beams, kameras en alarms.

Let daarop dat hierdie ‘n rookvrye onderneming is. Rook word toegelaat op die stoep.

Die immer gewilde Oribi-kloof is ongeveer 25 kilometer weg vir avontuurlustiges of vir die dobbelaars van hart is die Wild Coast Sun slegs 50 km langs die naby geleë snelweg. 

Ons is 7 kilometer van die Port Shepstone Country Club en Gholfbaan geleë (wat vir die vierde agtereenvolgende jaar aangewys is as die beste gholfbaan aan die kus). Ywerige gholfspelers het ook toegang tot 'n aantal ander bekende gholfbane aan die Suidkus, almal binne maklike ry afstand: Southbroom, San Lameer, Port Edward, Margate Country Club of die Wild Coast Sun.

'n Daaglikse skoonmaakdiens word aangebied teen 'n klein ekstra koste.