Ocean Breeze is een van die baie min see-front komplekse in Winkelspruit, met direkte toegang tot die see en hoof swemstrand. Jy  hoef nie jou motor te gebruik om strand toe te ry nie, die strand is reg op jou voorstoep. Dit is 'n veilige strand, met haainette en lewensredders (tydens naweke en openbare vakansiedae), sowel as 'n groot soutwater swembad.

Die oopplan studio woonstel het 'n pragtige uitsig oor die see, met 'n privaat en afgesonderde patio. Die patio bestaan uit 'n graniet kroeg toonbank met kroeg stoeltjies en 'n gemaklike buite sitkamer stel, sodat jy bedags en saans die mooi see uitsig kan geniet.

Die woonstel is smaakvol versier en ten volle toegerus, met 'n platskerm LCD TV en verbinding met DSTV (bring net eie dekodeerder en smart kaart). Die eenheid akkommodeer 4 persone, en bestaan uit 'n koningin grootte bed en stapelbeddens, met 'n kamer verdeler en 'n dubbel slaapbank in die sitkamer. Alle beddegoed word verskaf, maar bring asseblief jou eie handdoeke. Daar is ook 'n graniet werk oppervlakte binne die woonstel, met 4 kroeg stoeltjies vir etes, asook skinkborde as jy op jou skoot wil eet.

Die nuwe, ten volle toegeruste kombuis bestaan uit graniet toonbanke, 'n onder toonbank vlekvrye staal oond, glas kookplaat, mikrogolf, yskas / vrieskas, klein elektriese toebehore en alle noodsaaklike breekware en eetgerei. In die nuut opgeknapte, gemoderniseerde badkamer, is daar is 'n aparte bad en stort, vir almal se behoeftes.

Ocean Breeze is 'n goed onderhoude kompleks, met tropiese tuine, talle braai areas met tafels en stoele. Sit en ontspan op die tuin banke en geniet die pragtige uitsig oor die see. Daar is 'n pragtige sprankelende swembad en kinder swembad, wat beskerm en beskut is teen die wind, veral gedurende uiters winderige dae.

Die hele kompleks het ‘n muur reg rondom, met 24 uur sekuriteitswagte op patrollie en 'n toegang beheerde hek. Daar is 'n geslote hek wat direk na die strand lei en elke eenheid het sy eie sleutel. Daar is een toegekende onderdak parkeerplek vir elke eenheid, sleepwa parkering, plus besoekers parkering.

Daar is verskeie winkelsentrums in die nabyheid, (sommige binne loop afstand), Woolworths se Food Emporium, Pick 'n Pay, Spar, Checkers, slaghuise, kits kos plekke, restaurante, kroeë en al ander noodsaaklikhede. Die 2 nuwe Amanzimtoti winkelsentrums, Galleria en Arbour Crossing, is sowat 10 minute se ry vanaf die kompleks. Daar is meer as genoeg vermaak vir die hele gesin met teaters, ys-skaats en ‘n speletjies arkade.

Daar is 'n basiese skoonmaak diens 6 dae 'n week. Onthou asseblief om jou eie handdoeke, toiletware en skottelgoed seep te bring.