The Southern Beach House is geleë in die rustige klein dorpie, Suiderstrand, in die Agulhas Nasionalepark. Die dorp is 5km vanaf die historiese ligtoring, wat die mees suidelikste punt van Afrika is, waar die Atlantiese- en Indiese oseane ontmoet.

Hierdie selfsorghuis kan 8 persone huisves. Daar is 'n dubbelkamer met 'n dubbel- en twee enkel beddens, 'n hoofslaapkamer met 'n solderkamer, albei met dubbelbeddens.

Daar is 2 groot badkamers. Die oopplan kombuis is toegerus met 'n mikrogolfoond, 'n gasstoof en ontbythoekie (met see-uitsig). Die eetgebied het 'n kaggel en lei na 'n sonnige, buite-onthaal gebied. Al die beddegoed word voorsien, maar bring asseblief u eie handdoeke.

Die selfsorg-woonstel het sy eie ingang, met slaapplek vir tot 5 persone.
Daar is 2 slaapkamers en twee badkamers (een met 'n bad) plus 'n slaapbank in die woongebied. Al die beddegoed word voorsien, maar gaste moet hul EIE HANDDOEKE BRING. Die kombuisie in die woongebied het 'n yskas, mikrogolfoond, 'n klein oond, 'n kookplaat en 'n binne-braaiplek. Daar is 'n verstommende see-uitsig vanuit die woongebied met 'n stoep wat ideaal is om die son te sien ondergaan.
Die huis met sy woonstel is omtrent 250m vanaf die see wat spog met 'n spoelklipstrand en omtrent 800m na die regterkant, is 'n pragtige seegroen strandmeer (Pietie se Punt).

Neem asseblief kennis: Die huis en woonstel word as een eenheid verhuur, uitsluitlik vir een groep gaste te enige tyd.

Daar is baie in die omgewing om te doen:

Besoek die outydse, klein restaurant in die ligtoring. Verken die langste ononderbroke sand-strand in die Suidelike-halfrond by Struisbaai, wat ook spog met 'n kleurryke vissermanshawe. Bootvaarte en kajakke is te huur (besprekings by die hawe). Dit is 'n natuurliefhebber se paradys met seisoenale walvis-kyk en baie natuur-roetes om van te kies. De Mond- en De Hoop Natuurreservate is naby. Ander vermake in die gebied is perdritte, brander-ry, kite surfing, visvang, 4x4 roetes en selfs rolbal.

Om te ervaar:

Arniston met sy Waenhuiskrans en Kassiesbaai Vissermansdorp. Bredasdorp, wat spog met 'n skeepswrak-museum, kuns en handwerk. Elim, die sendeling-dorpie wat omring word met wynplase van die gebied en waar u kan gaan wynproe.

U kan ook net ontspan, omring deur fynbos en aan die slaap raak met die geluid van die golwe, om dan wakker gemaak te word met die gekwetter van voëls. Of sit net en ontspan en kyk wat die dag oplewer.

Fasiliteite
  • DVD speler
  • platskerm-TV
  • stap (minder as 5km)
  • yskas / vrieskas
  • braai
  • braai (sommige eenhede)
  • dakwaaiers
  • fietsroetes
  • Fietsry
  • kaggel
  • kano (minder as 5km)
  • kombuis (volledig toegerus)
  • kombuisie (sommige eenhede)
  • Malaria vry
  • mikrogolf in eenheid
  • natuurroete (minder as 10km)
  • natuurroete (minder as 2 km)
  • parkering op die terrein
  • private entrance - outside rooms
  • skottelgoedwasser (sommige eenhede)
  • stap
  • stoof in eenheid
  • strand (minder as 500 m)
  • televisie in die kommunale gebied
  • toaster
  • Troeteldiere word toegelaat indien dit vooraf gereël word.
  • visvang (minder as 10 km)
  • visvang (minder as 3 km)
  • Voël kyk
  • walviskyk (minder as 10 km)
  • walviskyk op die terrein
  • wheelchair friendly
  • yskas in eenheid