Witgatboom Boskamp is ʼn selfsorg wegbreekplek geleë op ʼn privaat malaria-vrye Natuurreservaat, 11 km buite Mookgophong (Naboomspruit). Die Boskamp maak hoofsaaklik voorsiening vir klein groepe, paartjies en families. Die Kamp bied ʼn intieme atmosfeer en persoonlike gaste ervaring.
Die reservaat spog met ʼn menigte wildlewe, insluitend baie vlakte wildspesies en ʼn benydenswaardige diversiteit van voëllewe. Ons primêre objektief is bewaring deur teelprojekte en om natuurlike habitatte te handhaaf. Ons is bevoorreg om hierdie manjifieke omgewing met ons gaste te deel.
Die Kamp bestaan uit 4 x 2-slaap Chalets, 1 x 5-slaap Familie eenheid en 2 x 4-slaap Houthuise, geskik vir slegs 2 volwassenes en 2 kinders, asook ʼn toegeboude Lapa, alles gerieflik gerangskik om die reuse gemeenskaplike Boma. Daar is ook ʼn kleiner Boma tussen die 2 Houthuise. Geplaveide paadjies verbind alle eenhede en die swembad area. Die Kamp kan ʼn maksimum van 21 gaste huisves en kan eksklusief of nie-eksklusief bespreek word.
Alle eenhede is ten volle toegerus vir selfsorg.
Gaste het die geleentheid om van die volgende aktiwiteite gebruik te maak – Dag en nag wildsritte, begeleide boswandelings, wildslewe fotografie, voëlkyk, stap en swem. Kinders kan die natuur op ʼn veilige wyse beleef en word aangemoedig om deel te neem aan hierdie aktiwiteite.
Gratis Wifi is beskikbaar by die Kamp.
Geriewe:
Jag:
Witgatboom reservaat bied eksklusiewe jag geleenthede van alle vlakte wildspesies op ons pryslys. Beide geweer en boogjag word toegelaat. Ons het 5 jag skuilings wat wissel tussen verhewe- tot grond skuilings, en bied ook die opsie van loop en bekruip, of skiet van ons jag voertuig af.
Alhoewel ons vrystelling het om regdeur die jaar te jag, beperk ons ons jagseisoen van 1 Mei tot 31 Augustus om ons Ooie gedurende die warm somer maande veilig te laat lam.
Jag is ʼn beheerde aktiwiteit en dit is noodsaaklik om betyds besprekings te maak, sodat die geleentheid nie gemis word nie.
Mookgophong - Naboomspruit Game Reserve And Bush Lodge Accommodation • Mookgophong - Naboomspruit Self Catering House, Cottage, Chalet Accommodation • Mookgophong - Naboomspruit Guest Farm Accommodation • Mookgophong - Naboomspruit Hunting Safari Accommodation • Mookgophong - Naboomspruit Sleeps 10 or More Accommodation • Mookgophong - Naboomspruit Conference Venue Accommodation • Mookgophong - Naboomspruit Interesting Place Accommodation • Mookgophong - Naboomspruit Self Catering Accommodation
Klik op die blou knoppie op die bladsy van 'n eiendom en ontvang kennisgewings sodra hulle 'n spesiale transaksie plaas!