Kom geniet die gasvryheid, vrede en rustigheid van Cedarberg Gasteplaas, geleë aan die voet van die suidelike Drakensberg. Geniet 'n skemerkelkie terwyl die son sak agter die ruwe Drakensberg horison, terwyl jy die asemrowende uitsig van die top van die Cedarberg ervaar(1932 m).

Word 'n boer vir ‘n naweek op die werkende Cedarberg plaas van ongeveer 1500 hektaar. Help, of ervaar net boerdery aktiwiteite soos beeste dip, koeie melk, skape tel en dies meer. Geniet ontspannende perdry op ons betroubare Boerperd perde of neem 'n wandeling en sien wild soos Zebra, Gewone en Berg- rooiribbokke, Rooihartbeeste, Oribi en Blesbokke. Geniet 'n piekniek in die wonderlike gastehuis tuin of langs die forel dam, binne loopafstand van die hoofhuis.

Entoesiastiese voëlkykers kan ‘n oorvloed van voëllewe in die area bestudeer; Griekwaland-Oos (OG) is 'n welbekende plek vir bedreigde spesies soos die Lelkraanvoël, Gevlekte vleikuiken en Drakensberglewerik.

Vir die avonturier is daar berg, vierwiel motorfietse en 4x4 roetes op die plaas. Daar is verskeie roetes wat ook aangepak kan word in en rondom die OG area. OG is ook die poort na vier bergpasse in die minder verkende suide van Lesotho.

OG is 'n premier bestemming vir forel, swart-bas en karp visvang. Beide forel en bas kan gevang word op die plaas.

Cedarberg se opgeknapte skuur is ook die ideale plek vir 'n landelike troue of konferensie. 

Die gasteplaas is veral geskik vir ‘n groter familie wegbreek of dies meer, met 'n groot gemeenskaplike kombuis en onthaal area. Ons waarborg jou soveel privaatheid as wat jy nodig het om met jou vriende en familie te ontspan!

4x4 Voertuie en perde vir ritte te huur. Vuurmaak hout word verskaf om braaivuur te begin.

Akkommodasie opsies:

  • Ten volle toegeruste selfsorg eenhede, uitsonderlinge ou plaashuis (Cedarhoek) met 'n kaggel. Twee "misvloer" rondawels met 'n woonstel wat bygevoeg is. Kan tot sestien persone akkommodeer (hoë-klaring voertuie word aanbeveel vir laaste 1 km na plaashuis);

  • Vier Selfsorg kothuise met kaggels by hoofhuis, ten volle toegerus en bied verblyf vir 4 tot 6 persone,
  • Romantiese wittebrood cabin,
  • Karavaan en kampeerplekke met kragpunte.

Cedarberg is 8km buite Cedarville geleë, 'n klein dorpie in die hart van Griekwaland-Oos, 300km van Durban, 250 km van Pietermaritzburg op die R56. Ons is 'n ideale oor-stop plek op die skilderagtige "Route 56" wat'n skakel is tussen KZN en Oos-Kaap. Hierdie roete is 'n alternatief vir die gewone N2 roete vir ‘n reis vanaf Durban na Kaapstad.

  • Toekennings soos verskaf deur die onderneming
  • AA Recommended
Fasiliteite
  • braai
  • DSTV (bring kaart en dekodeerder)
  • DSTV in sommige kamers
  • jag (minder as 30 km)
  • jag od die plaas kan gereel word
  • kaggel
  • kombuisie (sommige eenhede)
  • konferensie lokaal
  • kroegyskas
  • meer (minder as 5km)
  • mikrogolf in eenheid
  • natuur roete op die terrein
  • natuurroete (minder as 2 km)
  • parkering op die terrein
  • perdry op die terrein
  • rotskuns (minder as 20km)
  • stoof in eenheid
  • tee / koffie fasiliteite
  • Troeteldiere word toegelaat indien dit vooraf gereĆ«l word.
  • visvang (minder as 3 km)
  • visvang op die terrein
  • wasgeriewe
  • wasgeriewe (minder as 2 km)
  • wasmasjien op die terrein
  • wi-fi / hotspot
  • wildritte (minder as 30 km)
  • wildritte op die terrein