Wyford plaas is geleë in 'n mooi bergagtige gebied, net af van Van Reenen’s-pas (N3) en het 'n ryk geskiedenis. Die plaas is gebou in die 1870's as 'n Handelspos (Trading Store) op die roete tussen Johannesburg en Durban. Dit is nou 'n klein werkende plaas met vleisbeeste, varke, skape en perde wat besoekers mee kan tyd spandeer en geniet. Ons is ongeveer 40 km vanaf Ladysmith of Harrismith en dag-uitstappies is moontlik na Slagvelde en oorde in die noorde van die berg.

Ons bied gerieflike akkommodasie in 5 aparte en private selfsorg eenhede. Elkeen het sy eie braaiplek en tuin en word daagliks gediens. Wifi is beskikbaar in sommige eenhede. Troeteldiere kan gewoonlik op aanvraag geakkommodeer word.

Poplar Kothuis (Tipe A eenheid) Die kothuis kyk uit op 'n dam en het 'n omheinde tuin. Die eenheid het ’n slaapkamer met 'n dubbelbed en ‘n en-suite badkamer met ‘n stort. Dan is daar 'n tweede slaapkamer met 2 enkel beddens en 'n tweede badkamer met ‘n bad. Bo in die solder is daar 2 enkel beddens en 'n dubbel slaapbank. Die leefarea is groot en sluit in ‘n goed toegeruste kombuis, eetkamer en sitkamer met 'n kaggel. Daar is 'n onderdak braai area in die tuin en 'n motor afdak. Die kothuis het 'n televisiestel en 'n satelliet skottel maar u moet u eie dekodeerder en kaart bring.

Aloe Kothuis (Tipe B eenheid) Die eenheid kan 5 persone akkommodeer en het 'n koningin bed en 'n enkelbed in die groot solder en 2 enkel beddens in die slaapkamer op die grondvloer. Daar is 'n badkamer, toegerus met ‘n stort, en die leef- area het 'n kaggel en ‘n goed toegeruste kombuis, eetkamer en sitkamer. Die ruim stoep het 'n pragtige uitsig oor die berge en daar is 'n onderdak braai in die omheinde tuin asook ‘n motor afdak. Die kothuis is toegerus met 'n televisiestel met ‘n satelliet skottel maar bring asseblief u eie dekodeerder en kaart.

Die Garden Kothuis (Tipe C eenheid) Hierdie is 'n klein, knus eenheid in 'n omheinde tuin. Dit is 'n bed- sitter soort eenheid met 'n dubbelbed en 'n enkelbed in dieselfde kamer met 'n eet- hoekie, kaggel en ‘n televisie aan die een kant en 'n kombuis aan die ander. Die aparte badkamer het 'n stort en 'n bad. Daar is 'n draagbare braai in die tuin en 'n motor-afdak asook 'n sateliet- skottel, maar bring asseblief u eie dekodeerder en kaart.

Die Ou Trading Store (Tipe D eenheid) Die eenheid het 3 slaapkamers,die een het 'n dubbelbed en 'n en- suite badkamer met ‘n bad, die tweede slaapkamer het 2 enkel beddens met ‘n en- suite badkamer met ‘n bad en ‘n stort en die derde het 'n koningin bed en 'n enkelbed en is langs 'n badkamer wat toegerus is met ‘n stort. Ekstra beddens kan opgemaak word in die groot leefarea. Daar is 'n kaggel, ‘n sitkamerstel en 'n groot eetkamer tafel in die leefarea. Ook 'n televisie met kanale- SAUK 1, 2, 3 en E-TV. Daar is 'n satelliet skottel vir DSTV. Bring asseblief net u eie dekodeerder en smart kaart. Dit is 'n WiFi-sone. Die goed toegeruste kombuis is ‘n aparte vertrek en die ruim stoep het 'n pragtige uitsig oor die berge. Op die stoep is 'n dag bed en daar is 'n onderdak braai in die tuin en ‘n motor afdak.

Jacaranda Kothuis (Tipe E eenheid) Hierdie is 'n klein bed sitter huisie met 'n dubbelbed en 'n enkelbed in die woonkamer met 'n kaggel in die een hoek, sit- area en eetkamer tafel. Daar is 'n TV en 'n satelliet skottel vir DSTV, maar bring asseblief u eie dekodeerder en smart kaart. Daar is 'n klein kombuisie wat toegerus is met ‘n mikrogolf, mini stoof, yskas, ketel, broodrooster ens. Dit kyk uit oor 'n plaasdam en het 'n braaiplek in die tuin. Die aparte badkamer het 'n stort.

Alle beddegoed en handdoeke word voorsien, maar bring asseblief u eie swem- handdoeke. TV is beskikbaar met SAUK kanale 1, 2, 3, en E-TV, drie van die huisies het satelliet skottels - sien hierbo, maar bring u eie dekodeerder en kaart. Ons het goeie selfoon ontvangs. Daar is restaurante in die gebied, sowat 9 km vanaf Wyford. Neem asseblief kennis dat ons 42 km vanaf óf Ladysmith of Harrismith is, so dit is beter om u voorrade saam te bring.