110 L'Escalier Cabana is 'n luukse selfsorgwoonstel met lugversorging in Amanzimtoti, teen die strand. Dié stukkie swemstrand word met haainette beveilig. Hierdie deel van die kus is bekend vir dolfyn- en walviskyk, asook vir diegene wat hou van hengel en wat met 'n lisensie mossels mag uithaal.

Die cabana se moderne vakansiewoonstel het slaapplek vir 6 gaste bied 'n pragtige uitsig oor die see vanaf die braai-area op die balkon, die hoofslaapkamer, kombuis en sitkamer. Dit bestaan uit 3 ruim slaapkamers waarvan 1 kamer 'n koningingrootte-bed het. Die ander 2 kamers het elk 2 enkelbeddens. Die hoofslaapkamer het 'n en suite-badkamer. Een van die ander badkamers het 'n bad en die ander een 'n stort. Daar is ook 'n oopplan-kombuis en -leefarea.

Die kombuis is toegerus met moderne geriewe soos 'n elektriese vierplaatstoof, 'n groot yskas-vrieskas, wasmasjien, tuimeldroër, mikrogolfoond en oond onder die toonbank. Die leefarea het 'n TV met DStv. Die balkon het braaigeriewe wat oor die see uitkyk.

Die perseel het 'n afstandbeheerde hek en veilige kelderparkeerplek is beskikbaar. Daar is ook ekstra parkeerplek vir motors en sleepwaentjies buite op die perseel beskikbaar onder kringtelevisie.

Bote en kano's kan by die strandmeer langs die kompleks gehuur word. Die voëlreservaat is ook naby. Besoekers kan die 30 min stappie deur die inheemse woud geniet en tot 150 verskillende spesies sien. Die Aliwal Sandbank, wat deur die Diver Magazine as een van die wêreld se top 10 duikbestemmings benoem is, is net 20 min vanaf Amanzimtoti die see in. Gaste kan strand toe gaan of verskeie restaurante besoek.

Die eenheid is 30 km vanaf uShaka Marine World, Kings Park, ABSA-rugbystadion, die Moses Mabhidastadion en Durban se hawe af.

Fasiliteite
  • afstandbeheer sekuriteit
  • bootritte (minder as 5km)
  • braai
  • buite swembad
  • DSTV in die kamer
  • duik (minder as 10 km)
  • films / teater (minder as 5km)
  • kano (minder as 5km)
  • kombuis (volledig toegerus)
  • lugversorger (sommige eenhede)
  • mediese geriewe (minder as 5km)
  • mikrogolf in eenheid
  • natuur roete op die terrein
  • natuurroete (minder as 2 km)
  • parkering op die terrein
  • perdry (minder as 5km)
  • radio in die kamer
  • restaurant (minder as 5km)
  • strand (absoluut op die strand)
  • strand (minder as 500 m)
  • tee / koffie fasiliteite
  • tuimeldroĆ«r
  • tuimeldroĆ«r in eenheid
  • visvang (minder as 3 km)
  • walviskyk (minder as 10 km)
  • walviskyk op die terrein
  • wasgeriewe
  • wasmasjien in eenheid
  • wasmasjien op die terrein

Rigting aanwysings
  • Net verby die Pavilion Mall op die N3 Durban-grens, neem die N2-suid.
  • Slegs 12 kilometer ver van die ou Durbanse Internasionale Lughawe af, neem die Adamsweg-afrit.
  • Volg die linksdraaiende glybaan by die T-aansluiting en weer amper onmiddellik regs in Linkweg. Bly in die regterbaan.
  • Draai regs by die T-aansluiting (Linkweg, Strandweg) in Strandweg.
    (Strandweg word hier 'n eenrigting).
  • Hou aan en u sien L'Escalier Cabanas aan u linkerkant (voordat die pad na regs draai om die strandmeer te volg).