Denneboom Vineyards and Wildlife is geleë in die bekende Voor-Paardeberg streek van die Paarl se wynlande en 'n spog-produseerder van wyn en olyfolie en verskaffer van 4-ster verbyf.

Ons verblyf het ontstaan uit die noodsaaklikheid om die ou geboue op die plaas te bewaar. Die Skaapwagters-kothuis dateer vanuit die 1800's. Dit is reg langs die ou wa-pad geleë wat gebruik was na Voor-Paardeberg. Wat dit betref, elke kothuis het sy eie storie vanuit 'n vroeër lewe, met sy eie bydrae tot die plaas. Hulle is baie belangrik en is 'n integrale deel van ons geskiedenis en steeds vir ons elke dag se lewe. Dit is iets wat ons koester - wat ons dwing om te strewe om ons gaste se verblyf so aangenaam as moontlik te maak.

Die Skaapwagters-kothuis en Stal-kothuis is geleë in die hart van 'n privaat wildreservaat, omring deur groot bome en uitsig op die pragtige bergreekse. Daar is 'n oorvloed van wild en voëls, insluitend springbok, eland, blouwildebeeste en zebras. 'n Ideale plek vir 'n ontspanne vakansie, weg van die woelige stadslewe. Elke kothuis kan tot 4 persone in twee slaapkamers huisves. Die hoofslaapkamer het 'n koningins-grootte bed met 'n goed toegeruste badkamer met 'n bad en 'n stort. Die tweede slaapkamer het twee enkelbeddens met 'n eie badkamer, toegerus met 'n stort en die ander geriewe. Die kombuis is goed toegerus met 'n ys- en vrieskas, stoof en oond, mikrogolfoond en skottelgoedwasser. Die woongebied het 'n kaggel en binnenhuise braaigeriewe. 'n Braaigebied is ook buite beskikbaar.

Die nuut gerestoureerde Wynland-kothuise is geleë op 'n ander deel van die plaas en word omring met wynlande en olyfbome. Hulle het ook 'n pragtige uitsig op die Paardeberg. Daar is twee semi-gekoppelde kothuise. Elkeen het twee lugversorgde slaapkamers met eie badkamers en het slaapplek vir tot 4 persone. Die hoofslaapkamer het 'n koningins-grootte bed en 'n goed toegeruste, moderne badkamer met 'n bad en stort. Die tweede slaapkamer het twee enkelbeddens, 'n eie badkamer met 'n stort en ander geriewe. Die kombuis is goed toegerus met 'n ys- en vrieskas, stoof en oond, mikrogolfoond en skottelgoedwasser. Die woongebied het 'n kaggel en 'n buite vuurmaakplek. Die kothuise het 'n klein swembad.  

Vermake en Aktiwiteite

• Kyk na wild
• Stap in die reservaat en op die plaas
• Gaan saam met die werkers en werk self ook op die plaas
• Gaan ry met u bergfiets
• Gaan proe die wyne van Voor-Paardeberg
• Fotografie
• Doen die Paarl-wynroete
• Kyk na die sterre
• Verken die historiese Paarl en sy uitstekende restaurante
• U kan ook by die res van ons werkers aansluit en help met die plaaswerk. Ons is seker dat u nuwe ondervinding met die verbreding van u kennis meer as genoeg beloning vir u pogings sal wees.

Troeteldiere

• Geen troeteldiere word toegelaat nie.