Die Beach House is letterlik net ‘n klipgooi weg van een van KZN se mees populêre strande vir hengel, duik en snorkel op die Suidkus. Dit is 'n moderne oase vir mense wat moeg is vir die stad.

Die Beach House kan ‘n maksimum van 8 volwassenes akkommodeer. Met vier smaakvolle ingerigte slaapkamers, almal met ‘n pragtige uitsig oor die strand en die see. Die hoofslaapkamer het 'n koning grootte bed en 'n en-suite badkamer, terwyl die oorblywende kamers die gebruik het van twee luukse badkamers. ‘n Koningin slaapkamer, 'n dubbel slaapkamer, 'n tweeling slaapkamer, dubbel stapelbeddens en 'n dubbel slaapbank maak voorsiening vir die res van die slaap geriewe.

Die hoof aantrekkingskrag van hierdie onlangs voltooide strand eiendom, is die oop-plan sitkamer, eetkamer en kombuis. Oopvoudeure maak die area oop na die veranda wat toegerus is met gemaklike stoele van Bali, vir lui dae by die plonspoel of net om na die see te staar.

Die moderne en goed toegeruste kombuis beskik oor 'n ruim werksplek, gashob, elektriese oond, mikrogolfoond en twee groot yskas- / vrieskas kombinasies vir vars gevangde vis uit jou eie stukkie van die Indiese Oseaan. Die Beach House het 'n skoonmaker op die perseel en word daagliks gediens.

Op reënerige dae kan jy besig bly en TV kyk op die grootskerm-TV met alle DTSV-kanale in die TV-sitkamer, of geniet jou gunsteling TV programme van die gemak en privaatheid van jou bed in die hoofslaapkamer. Vir die meer avontuurlustige, is die gewilde Oribi Gorge sowat 25 kilometer weg, of vir die wat dobbel geniet,is die Wild Coast Sun slegs 50 km op die nabygeleë snelweg.

Die Beach House is slegs 4 kilometer vanaf die Port Shepstone Country Club en Gholfbaan en bied toegang tot 'n aantal van die Suidkus se bekende gholfbane. Binne maklike ryafstand kan ywerige gholfspelers of naweek spelers 'n gholfbaan vind wat na hulle smaak is by Southbroom, San Lameer, Port Edward of die Wild Coast Sun.

Voel energiek? 'n Vinnige wandeling langs die strand neem jou na Southport Beach Restaurant. Reg op ons drumpel is Uncle Arthur's Petting Farm elke Saterdag met 'n boeremark- en kunsmark, met ‘n heerlike ontbyt wat buite bedien word. Die Sayidi Farm Stall is letterlik om die hoek van The Beach House en bied 'n wye verskeidenheid vars produkte en 'n koffiewinkel wat nie die begroting sal breek nie. Vir die inkopie sentrum verslaafdes, is daar Shelly Centre of die South Coast Mall met alles wat jou hart begeer, en beide is binne gemaklike ry afstand.

Lughawe Oordragte, toere in die voormalige Transkei sowel as na nader bestemmings kan gereël word deur The Beach House.