Phabeni is geleë in Kruger Park Lodge, 'n pragtige grasdak oord net 15 minute geleë vanaf die wêreld bekende Kruger Nasionale Park. Dit is ‘n pragtige basis vir 'n wonderlike safari ondervinding, of net 'n plek om weg te kom en te ontspan. Die huis kyk uit op die 5de tee, van 'n uitdagende 9-putjie (18 tee) Gary Player ontwerpte gholfbaan, kompleet met rooibokke wat wei en troppe ape asook inwoner seekoeie en krokodille wat gesien kan word in die seekoei- gat net twee minute weg. Dink jouself in, warm ontspannende aande en goue sonsondergange op jou 60 vierkante meter kiaat dek!

Die huis het 'n ten volle toegeruste graniet kombuis met al die moderne toerusting en baie gemaklike sit en eetkamer. Die slaapkamers, twee dubbel kamers en een tweeling, het almal en-suite badkamers wat toegerus is met ‘n bad en krag stort. Die hoofslaapkamer is in die dak-oorhang(“eaves”) en lei na ‘n private balkon deur Franse deure.’n  Dubbel grasdak motorafdak bied parkering vir twee voertuie en die groot dek is toegerus met 'n baksteen geboude braai en groot werksoppervlaktes met sitplek vir agt persone. 'n Daaglikse skoonmaak diens is ingesluit in u bespreking.

Die huis is vier en 'n half ure se ry vanaf Johannesburg. Dit is ‘n genotvolle reis deur die pragtige Drakensberge. Vanaf Nelspruit in Mpumalanga is dit slegs 40 minute se ry na die huis. 'n Volle reeks motorhuur is beskikbaar by beide lughawens of oordrag kan gereël word deur Kruger Park Lodge.

Die huis is ideaal geleë vir Kruger Nasionale Park, die naaste hek, Phabeni, is net tien minute se ry weg. Daar is eindelose toeriste aantreklikhede binne 'n uur se ry; God's Window, Bourke's Luck Potholes, Blyderivierspoort, Pelgrimsrus en die Cheetah Sanctuary om maar enkeles te noem. Die wit strande en warm water van Mosambiek se Indiese Oseaan is net 90 minute weg. 'n Verskeidenheid van sport aktiwiteite is beskikbaar op die terrein met swembaddens en tennisbane en speel areas vir kinders. Verdere aktiwiteite buite die landgoed kan gereël word. Op die perseel  is ‘n uitstekende restaurant en kroeg wat etes en verversings voorsien asook uitstekende restaurante in die omgewing.

Die wêreldbekende Kruger Nasionale Park,wat meer as 350 kilometer van noord na suid beslaan, met ongeveer 2 miljoen hektaar in oppervlak, is 'n ware toevlugsoord vir wild en een van die groot natuurlike heiligdomme van die wêreld. Jy kan die "Groot Vyf" geniet vanuit die gerief van jou eie motor of aansluit by 'n georganiseerde safari, met opgeleide veldwagters en spoorsnyers wat vanaf die hekke soggens en saans vertrek. Die luukse privaat reservate van Sabi Sabi, Londolozi en nog vele meer is net 40 minute se ry weg en bied ongelooflike oggend en aand safari’s wat die paaie verlaat en onvergeetlike besigtigings van diere moontlik maak.